Қордай аудандық мешітінде "Әйел-қыздар "секторының ұйымдастыруымен мешіт ұстазы Эльмира Есімқараеваның ұйытқы болуымен қыз-келіншектермен бас қосу өтті.
Жиынға арнайы ҚМДБ-ның Жамбыл облысы бойынша "Әйел-қыздар "секторының жетекшісі, "Һибатулла Тарази "мешітінің ұстазы Гүлжан Серікқызы келіп қатысты.
Жиында ұстаз әйел жамағатына білім алудың пайдасы, артықшылықтары, ілімге деген құрмет, әрі ұстазға деген құрмет жайында насихат айтты. Сонымен қатар білім алудағы табандылық, сабырлық, ниеттің дұрыс болуы жайында көркем әңгіме өрбітті. Жамағат көкейіндегі сұрақтарын қойып, дәйекті жауаптар алды. Шара соңында дастархан басында уағыз-насихат жалғасын тапты.
Қордай аудандық мешітінің баспасөз қызметі