Тараз қаласы «Хамрақұл қажы» мешітіне «Имам Бухари» институтында білім алған Ахметов Хамидулла имам болып тағайындалды. Қазақстан мұсылмандары діни басқармасының қарамағында 15 жылдан бері имам қызметін атқарған тәжірибелі дін маманын жамағатқа Жамбыл облыстық орталық «Һибатулла Тарази» мешітінің наиб имамы Аманбаев Ержан таныстырды. Қызметке жаңадан келген имам жамағат алдындағы өз сөзінде: «Алланың үйлерін бірер аманат екендігін айтып, мешітті көркейтуде аянбай тер төгетіндігі» жеткізді.

Ахметов Хамидулла Қошқарұлы 1999-2003 жылдар аралығында Өзбекстан Республикасы, Ташкент қаласы «Имам Бухари» атындағы институтында «Имам Хатиб» мамандығы бойынша білім алған.

2003-2006 жылдары аралығында Өзбекстан Республикасы, Ташкент қаласы, «Мохмад Насыр қажы» мешітінің наиб имамы болып қызмет атқарды.

2006-2021 жылдар аралығында «Асым ата» мешітінің имамы болып қызметін атқарған.

Алмуханбет Егизбаев

Тараз қалалық орталық «Әулие ата» мешітінің баспасөз қызметі