Меркі ауданы орталық кітапханасында Екпінді ауылы «Рахымбай ата» мешітінің имамы Дулат Абдуманап жастармен кездесті. Кездесу барысында «Жас келсе іске» семинар-тренингі өтіп, жалпы Ислам діні ғылым-білімге, еңбек пен өнер кәсіпке ерекше мән беретінін атап өтті.

"Құрметті жас мамандар! Өз қызметтерін аянбай, алаңсыз жүргізуіне ұшқыр ой, алғыр зейін, ашық көз, ояу көкірек керек екені даусыз. Сергек қимылмен, ширақ оймен, сезімтал жүрекпен адал еңбек ететін азамат болуымыз керек. Біздің мақсат, айналамыздағы адамдарымызбен қарым – қатынасымыз қандай, олар кімдер, біз кімбіз, өзімізді — өзіміз танимыз ба? деген сұрақтарға жауап іздеп, тұлғаның адами көзқарасын, осы дүниедегі мақсатын айқындап, нақтылап алу керек" - деп атап өтті имам.

Осы елге, осы жерге адал қызмет етіп, өсіп-өнуіне өз үлесімізді қосуымыз керек деп өз сөзін тәмамдап, еліміздің, жұртымыздың амандығы үшін дұға жасасып тарқасты.

Меркі ауданы «Меркі ата» мешіті