Облыстық "Һибатулла Тарази" мешітінде жылдағы дәстүр бойынша жаңа оқу жылының алдында "Мектепке жол" науқанын өткізді.
Игі шара аясында Тараздық 15 бала мектепке толық дайындалды. Оқушыларға мектеп формасы, спорттық киімдер мен мектеп сөмкесі тарту етілді.
Су жаңа киімдерге ие болған балдырғандар қуанып, ата-аналары алғыстарын айтты. Мектепке қажетті заттарды аталған облыстық мешіттің 1-ші наиб имамы Нұралы Бақытұлы табыстады. Сонымен қатар білім жолында алғыр, үздік болуға шақырды.
Ақерке БЕКҚҰЛОВА
"Һибатулла Тарази" мешітінің баспасөз қызметі