Жамбыл ауданы Қаракемер ауылы «Қаракемер» мешітіне ауданның бас имамы Ғайырфулла Қуанышбекұлы арнайы іс-сапармен барған болатын.

Қаракемер ауылының ұстазы Кәкішев Төлеуғазы Қордай ауданында имамдар үйінде екі айлық семинарға кеткен болатын. Мешіт жамағаты аудан имамына мешітте болып жатқан жаңа өзгерістермен таныстырып, мешіт жанынан қызметтік үй соғылып жатқандығын көрсетті.

Аудан имамы мешітке келген жамағатқа уағыз айтып, мешітке жасап жатқан игі істері үшін мешіт ұстазы мен жамағатына өз алғысын білдірді.

Жамбыл аудандық мешітінің баспасөз қызметі