Жамбыл ауданы Ардагерлер үйінде аудандық орталық «Бәйдібек» мешітінің жанынан ашылған «Әжелер» алқасының төрайымы Мусалиева Үміткүл апа мен ауданның бас имамы Ғайырфулла Қуанышбекұлы жастармен кездесті. Отырыста жастармен бірге «үлкенді құрметтеп» сонымен қоса, «отбасы» мәселесі талқыға салынды.

"Отбасы — сыйластық, жарастық орнаған орта, кішкентай Отан. «Отан – отбасынан басталады» дегендей отанды сүю - отбасынан басталатыны рас! Себебі, отбасы – бала тәрбиесінің ең алғашқы ұжымы. Адамның жеке басының қалыптасуы отбасынан басталады. Оның ер жетіп өсуі, бойындағы алғашқы адамгершілік белгілер отбасында қалыптасады, сондықтан да туған үйдің жылуы – оның көкірегінде көп жылдар бойы сақталып, мәңгі есінде жүреді" - дейді Үміткүл апа.

Жамбыл аудандық мешітінің баспасөз қызметі