Сортөбе ауылы "Хамид бен Бадый" мешітінде Қордай ауданының бас имамы Асқар Зәкіржанұлы "ихсан ілімі" жайында насихат айтты.

Уағызға жиналған жамағат имамды ұйып тыңдап, тың мағұлматтар алды. Бас имам өз сізінде: "Ардақты Пайғамбарымыз (оған Алланың салауаты мен сәлемі болсын) бір хадисінде: «Иманның абзалы – Алла Тағала үшін жақсы көруің немесе шариғатқа қайшы нәрсені жек көруің. Тіліңмен Алла Тағаланы зікір етуің (еске алуың). Басқалар үшін өзіңе тілегенді тілеуің және өзіңе тілемеген нәрсені өзегеге де тілемеуің. Тек жақсы сөз айтуың, болмаса үндемеуің» деген" - деп аят, хадистерден мысалдар келтіре отырып, көркем түрде жеткізді.

Мұндай кезекті "ихсан" жайындағы үгітті естіген жамағат оның маңыздылығын терең сезінгендей. Жиын соңында өз көкейкесті сауалдарын қойып, дәйекті жауаптар алды.

Қордай аудандық мешітінің баспасөз қызметі