Қордай ауданы Әлжана ауылдық "Құдайберген"мешітінде мектеп оқушыларына арналған жазғы сауат ашу курсы өз мәресіне жетті.

Бір ай бойы сенім, ғибадат, әдеп, Құран әппесі, Құран, пайғамбарлар тарихы сынды пәндер бойынша діни сауатын ашқан балалар курс соңында алған білімдері бойынша емтихан тапсырды.

Сыннан сүрінбей өтіп, балл негізінде 1, 2, 3 орын алғандарға смарт сағат сыйға берілді. Барлық қатысушыларға мақтау қағазы мен доп, жайнамаз тарту етілді. 

Қорытынды шарада мешіт имамы мен ұстаздары шәкірттеріне игі тілектерін айтып, батасын берді.

Қордай аудандық мешітінің баспасөз қызметі