Жамбыл облысы бойынша бір жетіде 630 адамға көмек көрсетіліп, оған 7 614 700 теңге қаражат жұмсалды. 

Игілікті ту еткен өңір мешіттері ҚМДБ-ның Жамбыл облысы бойынша бас имамы Бейбіт қажы Мырзагелдиевтың бастамасымен өткен 1-7 қыркүйек "Қайырымдылық аптасында" көпбалалы, әлеуметтік жағдайы төмен, мұқтаж отбасыларға көмек қолын созып, азық-түлік пен "Мектепке жол" науқаны асында оқушыларға оқуға қажетті құралдар алып берді. 

Атап айтсақ, 64 балаға смартфон, 4 оқушыға адамға планшет, 93 балдырғанға мектепке құрал-жабдық алынды. Аталған қажеттіліктерге жалпы 2 895 500 теңге кетті. 

Ал 469 отбасыға алынған азық-түлік үшін 4 719 700 теңге жұмсалды.

Оқудың онлайн түрде өтіп жатқан кезінде мұндай жәрдем ата-аналарды да, балаларды да қуантты. Қайырымдылық - адам жанының нұры демекші, бұл игілік әлі де жалғасын таппақ.

Ақерке БЕКҚҰЛОВА

Һибатулла Тарази мешітінің баспасөз қызметі