Жамбыл ауданы Жалақтөбе ауылында Қазақстан мұсылмандары діни басқармасының 30 жылдық мерейтойына орай "Ел үлесі пәтерге" бағдарламасы аясында 260-шы үйдің кілті берілді.

Умар Нуров есімді азаматтың үйі өртеніп кеткен болатын. 4 балаға жалғыз өзі қамқор болып отырған әкеге баспана сыйлап, балаларымен қиын жағдайда қалғанда көрсетілген көмек үшін күллі ауыл қуанды. 

Бүгінгі салтанатты рәсімге ҚМДБ-ның Жамбыл облысы бойынша бас имамы Бейбіт Мырзагелдиев, мешіт имамдары мен ауыл тұрғындары қатысты. Көпшілік қонысты болған отбасыға жылы лебіздерін білдіріп, шашуларын шашты.

Ақерке БЕКҚҰЛОВА

Һибатулла Тарази мешітінің баспасөз қызметі