Елімізде дін мамандары өздерінің сан-саналы қызметі аясында көптеген жұмыстар атқарып келеді. Оның бір көрінісі қайырымдылық шаралары болып табылады.

Аталмыш тақырыпқа байланысты, Шу аудандық Төле би мешітіне қарасты имам-молдалар, қыркүйек айының 1-7 жұлдызы аралығында бірнеше қайырымдылық шараларын өткізді.

Атап айтатын болсақ, Бірлік ауылы, Б.Шолақ ауылы, Қонаев ауылы, Абай ауылы, Жаңа жол ауылдық мешіттерінің имам-молдаларының мұрындық болуымен, кәсіпкер азаматтар мен жандары жайсан жомарт жандардың демеушілігімен, аталмыш ауылдарда тұратын жағдайы төмен және көпбалалы отбасыларға баспана кілтін табыстау жоспарланып отыр. Баспаналардың ірге тастары құйылып, құрылысқа қажетті заттар жеткізілуде.

Сонымен қатар, Көктөбе ауылы, Рақыш-ата мешітінің имамы Ақпанда 2 мектеп оқушысына  мектепке қажетті құралдар  үлестірілді. Жұмысалған қаражаты - 10.000 тг

Ақтөбе ауылы, Жылғабек мешітінің молдасы Ә.Қоспанов  бір мектеп оқушысына планшет телефонын үлестірді. Жұмсалған қаражаты - 71.000 тг

Бірлікүстем ауылы, Бірлікүстем мешітінің молдасы Ж.Әлімбеков  ауыл азаматтарының демеушілігімен 1 өгіз сойылып, еті 21 отбасыға үлестірді. Жұмсалған қаражаты - 280.000. Сонымен қатар үш отбасына 30.000 теңгеге алынған азық-түлік жеткізді. Жалпы жұмысалған қаражаты - 310.000 тг болды.

Бірлік ауылы, Бірлік мешітінің молдасы М. Жұматаев 1 қой етін 2 отбасыға беріп, жағдайы төмен 1 отбасыға 2тн көмір түсірді. Қаражаты - 102.000 тг құрады.

Ақсу ауылы, Баласағұн мешітінің молдасы Б.Джаманкеев  1 ешкі етін 3 отбасына таратты. Қаражаты - 45.000 тг болды.

Алға ауылы, Амангелді мешітінің молдасы А.Абдрайымов  мүмкіндігі шектеулі жанға 80.000 теңге  дәрі-дәрмегіне берсе, 1 қой етімен азақ-түлікті 5 отбасыға таратты. Жалпы қаражаты - 165.000 тг болды.

Далақайнар ауылы, Далақайнар мешітінің молдасы Д.Көдебай  4 отбасына 1 қой етін үлестірді. Қаражаты - 50.000 тг.

Жаңа жол ауылы, Күнту баба мешітінің имамы Әуесбаев Берік болса 5 отбасыға 50.000 теңгеге күнделікті тұтынатын азық-түлік жеткізді.

Айта кететін жайт, көп түкірсе көл деген дана халқымыз. Ауыл азаматтары мешіттердің  күрделі жұмыстарына да ат салысуда. Алла отбастарына, кәсіптеріне береке бергей.

Бірлік мешітінің жанынан 350 адамға арналған асхана соғылып жатыр. Шатыры жабылып, жұмысшылар ішкі жағына кірісті. Жалпы құрылысқа 3000000 теңге жұмысалды.

Бірлікүстем мешітінде күрделі жұмыстары жүріп жатыр. Еден асты жылытуы, іші-сыртын әктеп-сырлап, намаз оқылатын мешіт кілемдері жаңаға ауыстырылуда.

Жаңабай баба мешітінің кіре беріс жолына бастырма салынды. Ол құрылысқа мешіт жанашырлары 280.000 теңге жұмысады.

Шоқпар ауылы, Шоқпар 2 мешітінің жанынан 300 адамға шақ асхана соғылды. Жақын күндері халық игілігіне беріледі деген ниетте. Жұмысалған қаражаты - 2000000тг болды.

Қайырымдылыққа аудан бойынша жұмысалған қаражат - 6 083 000 теңгені құрады.

                                                   Талғат Кәрібайұлы

                   Шу аудандық Төле би мешітінің баспасөз қызметі