Елімізді жалын отындай жалмап, талай адамды ажал құштырған тажал ауру әрбіріміздің жалғызымыз болған жақынымызды алды. Қайғыдан қан жұтып, қаралы болып отырған отандастарымыз бен күллі қазақ елі үшін бүгін аза тұту күні. 

Барған сайын өрши түскен аузы қан алып індеттен шипа сұрап, Алласына алақан жайған исі мұсылман Құран оқып, үздіксіз дұға етуде. 

Бүгін ҚМДБ-ның Жамбыл облысы бойынша Әйел-қыздар секторының ұйымдастыруымен құрбандық шалынды. Облыстық Һибатулла Тарази мешітінде өңірдің бас имамы Бейбіт қажы Мырзагелдиев пен сектор жетекшісі Гүлжан Алдасаеваның қатысуымен мал сойылып, дұғасы жасалынды. Шара соңына құрбан малының еті мұқтаж отбасыларға таратылды. 

Ақерке БЕКҚҰЛОВА

Һибатулла Тарази мешітінің баспасөз қызметі