Ораза айты төтенше жағдайға байланысты айт намазы жамағат болып мешіттерде оқылған жоқ. Келген жамағаттарға түсініктеме жұмыстары жүргізіліп, үйде болуларын, айт намазының орнына үйде «дұха» нәпіл намазын оқуға үгіт-насихат жүргізілді. Осы жүргізілген жұмыстардың нәтижесінде ауданда діни ахуал тұрақты.
Тәтті ауылының имамының ұйымдастыруымен айт мерекесіне байланысты 250 000 теңгеге жағдайы төмен 10 отбасыға азық-түліктей көмек көрсетілді. Ауданның бас имамы Батырбек қажы Қасымалиевтің ұйымдастыруымен көпбалалы, жалғыз басты анаға, мүгедек жандарға Ораза айтының құрметіне сый-құрмет жасалып, бұдан өзге қаржылай 110 000 теңге берілді.
Әлеуметтік жағдайы төмен, карантин кезінде күнделікті табысынан айырылған 5 отбасыға әр қайсысына 20 000 теңгеден берілді, барлығы - 100 000 теңге қаражат жұмсалды. Бас имам мұқтаж жандардың үйлеріне барып сыйлығын табыстап, айт дастархан басында Құран оқып дәметкен марқұмдарға бағыштап, жанұяларына, елімізге аман-есендік тілеп дұға жасады.
Аудандық «Меркі ата» мешіті