Күмбезі көкпен таласқан, көркемдігі көздің жауын алар Әбу Бәкір ас-Сыддық мешітіне жаңа дін маманы келді.
Айтулы Алла үйіне имамдық қызметке Бас мүфти Наурызбай қажы Тағанұлының бұйрығымен, ҚМДБ-ның Жамбыл облысындағы Бас имамы Бейбіт қажы Мырзагелдиевтің ұсынысымен осы уақытқа дейін облыстық "Һибатулла Тарази" мешітінің наиб имамы қызметін атқарып келген Қасымжан Бектаев тағайындалды.
Бүгін Тараз қаласының бас имамы Ғазиз Ахмет Қасымжан Бекжігітұлын Мүфтидің бұйрығын оқып, қызметкерлермен таныстырды. Білікті маманның жаңа қызметіне сәттілік тілей отырып, жетістіктерін атап өтті.
Айта кетейік, Қасымжан имам Әл-Ахһар университетінің түлегі, қари, қалалық Кеңесхан қажы мешітінде, Һибатулла Тарази мешітінде наиб имам қызметтерін атқарған.
Ақерке БЕКҚҰЛОВА,
"Һибатулла Тарази" мешітінің баспасөз қызметі.