Рамазан айында садақалар беріп, мұқтаждың мұңын бөлісіп, әлеуметтік жағдайы төмен отбасыларға көмектесіп, қолдау көрсету - үлкен сауапты іс. Осындай шараға қолдау көрсеткен Шу аудандық Төле би мешітіне қарасты Балуан Шолақ ауылы, Қойайдар мешітінің имамы Смайыл Аян ауыл тұрғындарына 150 отбасыға 150 пакет азық-түлік салынған ауызашар пакетін таратты. (Құрма, қант, конфет, печенье, бауырсақ, салат, сусын және жаңа пісірілген палау). Жұмысалған қаражаты - 180.000 теңге.
Осындай шараның куәсі болған ауыл тұрғындары ұйымдастырған азаматтарға рақметін жаудырып, ауызашарлары қабыл болсын деп, баталарын жаудырды.
Мешіт имамы Смайыл Аян алдағы уақытта қайырымдылық шарасын ұйымдастыратынын жеткізді.
Талғат Кәрібайұлы
Шу аудандық Төле би мешітінің баспасөз қызметі