Аудандық «Қордай» мешіті Рамазан айында зекет берушілерді ұйымдастырып, «Ел үлесі – пәтерге» атты қайырымдылық жобасы аясында көпбалалы, жалғызбасты анаға үй сыйлады. 211-ші үйдің кілтін ҚМДБ-ның Жамбыл облысы бойынша бас имамы Бейбіт қажы Мырзагелдиев табыстады.
Ізгі іс-шараға Жамбыл облыстық «Һибатулла Тарази» мешітінің Мешіт істері бөлімінің меңгерушісі Халид Хожахметов, Қордай ауданының әкімі Рустем Дәулет, әкім орынбасары Бейқут Жамангзов, Қордай ауылдық әкімі Бахыт Сахатов, мешіт ақсақалдары мен жамағаты және Қордай аудандық ардагерлер төрағасы Біржан Әлімбет сынды ел ағалары, халық қалаулары қонақ болды.