Ұлы жеңістің 75 жылдығына орай Шу қаласының бас имамы Қуат Дүйсенбайұлы ҰОС ардагері Сиқымбай Мамыровты мерекемен құттықтап ақшалай, заттай сый-сияпат табыстады. Туған елдің тәуелсіздігі мен бостандығы үшін Ұлы Отан соғысында ерлікпен шайқасқан Шу ауданының құрметті азаматы, Шулық ардагер 1 ғасыр жасаған қария Сиқымбай Мамыров ардагерді өскелең ұрпақ әрқашан мақтан тұтады.
Пайғамбарымыз хадисінде «Екі көз ақыретте тозаққа күймейді: біріншісі, күнәсына өкініш білдіріп, оңашада егіліп жылаған көз, екіншісі Отанды қорғап, шекара күзеткен көз» деген.
Осындай отан үшін отқа түсетін, батыр аталарымызды мақтан тұтатын елім деп еңірейтін, жерім деп жылайтын азаматтарымыз көп болғай.
Шу қалалық «Жәми» мешітінің баспасөз қызметі