Күллі әлемге жайылған жұқпалы індет, елімізді де айналып өткен жоқ. Кірген сәттен бастап, Мемлекет тарапынан төтенше жағдай жарияланып, қауіпсіздік іс-шаралар қолға алынды. Халыққа түскен үлкен сынақ болып тұр. Залалсыздандыру іс-шаралары аудан мешіттерінде жұқпалы індетке қарсы белгіленген нормаларға сай жүргізіліп жатыр, антисептик құралдары барлық мешіттерде қойылған.

Мешіт жамағаттары арасында түсіндіру жұмыстары жүріп жатыр, ешқандай керітартпа ұғымдар жоқ. Үгіт-насихаттар жүргізудің бір көрінісі ауданның бас имамы Қасымалиев Батырбек қажының ұйымдастыруымен, ауданда еріктілерден топ ұйымдастырылып, халық арасында жұқпалы індеттен қорғану мақсатында мыңдаған бетперде маскасы тегін таратылды.

Басқада қайырымдылық іс-шаралары қолға алынып, жағдайы төмен жандарға осындай сынақтан қиыншылық көрмей, ел қатарлы аман-есен өтуі үшін аудан тұрғындары жұмыла көмек көрсетуде. Жақсылық күндерге жетуге Жаратушы Иеміз Алла Тағала барша халыққа нәсіп етсін.

Аудандық «Меркі ата» мешіті