Коронавирус індетінің Қазақстан аумағына тарауына байланысты, ауданға қарасты елді-мекендердегі барлық мешіттерде індеттен сақтану шаралары жасалып жатыр. Аудандық санитарлық станция мекемесінің қызметкерлері мешіттерде санитарлық іс-шаралар жүргізді. Мешіт қызметкерлері және жамағаттан құралған топ, мешіттердің іші-сыртын, әжетхана, дәретхананы қауіпті микробтарды болдырмау үшін химиялық қоспасы бар заттармен жуып шықты. Жуынып-шайынатын барлық бөлмелерде ингредиенттерден жасалған сұйық бөтелкеге құйылып қойылды. Сұйық және микробтарға арналған химия қоспасы бар сабындар қойылды.
Жаратушы Иеміз Алла Тағаладан жарылқау тілеп, аудан мешіттерінде «Жақсымбет» мешітінде 2 қой құрбан шалынып 15 отбасыға, орталық «Меркі ата» мешітінде 3 жасар іріқара бұқа сойылып 260 кг ет 45 жағдайы төмен отбасыларға таратылды.
Бұл іс-шаралар халықтың амандығына істеліп жатқан игі амалдар.
Аудандық «Меркі ата» мешіті