Алла тағала бұл уақытқа дейін де адамзат тарихында түрлі сынақтар мен індеттер жайылған кезеңдерді жіберді. Ол уақытта тарихта өтпелі болып қалды. Аурудан құтылудың, шипаны сұраудың ең басқы әдебі - дұға. Әлбетте, әрбір жақсылық пен жамандық та Алладан. 

 Күллі әлемді уайымға салған COVID-2019 жұқпалы індетіне қатысты Қазақстан мұсылмандары діни басқармасының төрағасы, Бас мүфти барлық мұсылмандарды дұға жасауға, құран оқып, хатым түсіруге, тәһәжудке тұруға шақырған болатын.

Осы үндеуге үн қосқан Жамбыл облысының Бас имамы Қанат Жұмағұл бастаған өңір имамдары бүгін ақшам уақытында қасиетті Құран Кәрімді қолға алып, қала мен аудандардағы хафыз, қариларды жинап хатым Құран оқыды. 

Құранды толықтай оқып шыққан имамдар ел амандығы, әлемге таралған пандемияның емін беруді, амандық, жұртымызға тыныштық тіледі.

Ақерке БЕКҚҰЛОВА,

"Һибатулла Тарази" мешітінің баспасөз қызметі.