Шу аудандық "Төле би" мешітінің бас имамы Аят қажы Дыбысұлының тапсырмасымен ауданымызға қарасты ауылдық мешіттерде уахабия-салафия ағымдарының идеологиясы және сол сияқты басқада ағымдар жайында уағыз-насихат жұмыстары жүргізілуде.

Насихатты аудандық мешіттің найб имамы Талғат Кәрібайұлының қатысуымен Сауытбек ауылы Сауытбек атындағы мешітте, Көктөбе ауылы Рақыш ата мешітінде  және Алға ауылы Амангелді ауылдық мешіттерінде өткізілді.

Атап айтатын болсақ, үш мешітті бір күнде аралаған Талғат Кәрібайұлы уағыз-насихатын ҚМДБ-ның тақырыбында сай жүргізіп, қосымша қоғамдағы кері тартпа ағымдары жайлы болды. Мешітке жиылған жамағат көкейінде жүрген сұрақтарын қойып тиісті жауаптарын алды.

Сонымен қатар, мешіттің ішкі-сыртқы тазалығы, бақылау камерасы, садақа жәшіктерінің жағдайы, т.б маңызды болған мәселелерде назардан тыс қалмады.

Алдағы уақыттарда Шу аудандық "Төле би" мешіттеріне қарасты ауылдық мешіттерде уағыз-насихат жұмыстары және зерделеу жұмыстары жалғасын таппақ.

Талғат Кәрібайұлы

Шу аудандық "Төле би" мешітінің баспасөз қызметі