Шу қаласындағы «Әбу Бәкір Сыддық» мешітінің имамы Нұрлыханов Бақыт "Төле би" ауылындағы «Бекмаханов» атындағы орта мектеп оқушыларымен кездесті. Кездесуде дін қызметкері оқушыларға дін- және оның жастарға әсері тақырыбында  сұхбат жүргізді. Адам баласының бұл дүниеге келген соң өзінің ұстанатын сенімі болады, біздің ұстанатын сеніміміз ол – Ислам діні.

«Пайғамбарымыз (с.ғ.с.) мүбәрак хадисінде: "Бес нәрсе келмей тұрып, мына бес нәрсенің қадірін біл, соның бірі қарттық келмей тұрып, жастық шақтың қадірін білуге шақырады. Жас кезде тайға таңба басқандай, үйреніп білгеніміз мәңгілікке қалады, сондықтан осы кезден дініміздің құндылықтарын үйренуге шақырды. Білім жастардың болашағы, көзі ашық көкірегі ояу жас, ертеңгі күні жат ағымның жетегінде кетпесі анық." Дін маманы Ислам адам баласының өмірінде рөлі орасан зор екендігін айтып өтті.

Шу қалалық «Жәми» мешітінің баспасөз қызметі