Кеше шу аудандық "Төле би" мешітінің бас имамы Аят қажы Дыбысұлының ұйытқы болуымен, аталмыш мешітте кезекті айлық дастархан ұйымдастырылып, ауыл тұрғындары мен мешіт жамағаты жиналып уағыз тыңдады.
Шу аудандық "Төле би" мешітінен тәлім алған шәкіртіміз, қазіргі таңда "Нұр Мубарак" университетінің ұстазы сондай-ақ, Орбита 3 мешітінің найб имамы Союзмаматұлы Нұрлан қари бауырымыз арнайы келіп, шам намазы мен құптан намазы аралығында «Зікірмен Аллаға жақындаудың маңыздылығы» жайында уағызын жамағат ұйып тыңдады. Сонымен қатар Құптан намазынан соң мешіт асханасында дастархан жайылып, жамағат дастархан басына жайғасып, дәмнен ауыз тиіп, Нұрлан қаридың «Құран мәңгі мұғжиза» жайында әсерлі өсиетін тыңдады.
Аудандық мешіттің бас имамы Аят қажы Дыбысұлы қонағымызға рақметін айтып, шын ықыласын білдірді. Осындай игі іс-шараға риза болған жамағат, Құран тыңдап, дән риза болып тарқасты.
Талғат Кәрібайұлы
Шу аудандық "Төле би" мешітінің баспасөз қызметі