Көктемнің алғашқы күні Т.Рысқұлов ауданының бас имамы Сұлтаншәріп қажы Джадраевтың ұйымдастуымен Қарақыстақ ауыл округіне қарасты «Қазақ» ауылдық мешітінде жамағатқа айлық дастархан жайылды.

Бесін намазынан кейін ақ дастарханға жиналған жамағат ауданың бас имамы Сұлтаншәріп қажының әсерлі де, тартымды уағызын тыңдап, рухани нәр алды.

Мүміндердің Құрандағы сипаттарын баяндаған бас имам сахабалардың өнегелі өмірінен сыр шертті. Қоғамымыздағы Алланың ерекше нығметіне бөленген дәулетті кісілерді жәннаттағы орындарымен сүйіншілеп зекет беруге шақырды. Мешіт жамағатын ауызбіршілікке шақырған имам бірлік пен бейбітшілікті басты назарға алды.

Әбілда Мейірханов