15 сәуірде Сауд Арабиясында араб мемлекеттерінің саммит Лигасы өтеді деп күтілуде. Осыған дейін жоспарланғандай, аталмыш саммит елдің астанасында емес, мемлекеттің шығысында орналасқан Дахран қаласында өтетін болды.

«Араб мемлекеттерінің 29-шы саммит Лигасы 15 сәуірде елдің Эш-Шаркия аймағнда орналасқан Дахран қаласында өтеді», - делінген Сауд Арабия Мәдениет және ақпарат министрлігінің  хабарламасында.

Саммитті ел астанасынан шағын қалаға ауыстырған себебі айтылмаған. Естеріңізге сала кетсек, алғашында саммит наурыздың аяғына жоспарланған болатын, алайда Мысырда өтіп жатқан президент сайлауына орай саммит өтетін күнді ауыстыру туралы шешім қабылданған.

asyldin.kz