- МЕШІТ АҚПАРАТ
- ҚАРАЛДЫ: 4573
«Сұлтан» мешітінде Құран жарысы өтті.
Еліміз бойынша үлкенді-кішілі мешіттерде жиі болмаса да, сауат ашу курстарының шәкірттері арасында Құран жарысын өткізу үрдіске айналған.
Т.Рысқұлов ауданында да екінші рет өткізіліп отырған жарысқа ауыл-ауылдардан іріктеліп, сонда көзге түскен шәкірттер келді. Іріктеліп деуіміздің жөні бар. Әр ауылдағы мешіттердің сауат ашу курстары мектеп оқушыларын жазғы демалысқа шығысымен өздеріне тартып, бір айдан астам дәріс берді. Алла Тағалаға сансыз шүкірлігіміз болсын, жас балаларымыздың дінге деген ынта-ықыласын күшейтіп, зейінін арттырған. Осы қысқа мерзімде балалар діни сауатын ашумен қатар бірнеше сүрелерді жаттап, Ислам тарихынан да аз-кем мағлұмат алып үлгерді. Биылғы жылы Құран жарысы қасиетті Рамазан, Құран түскен айда болып отыр.