Ресей туризмі саласы еуропалық туристердің азайып, шығыс елдерінен келуші қонақтардың көбеюіне байланысты мұсылман мемлекеттері нормаларына сәйкес жаңа үрдісті қолға алды. Ресей қонақүй ассоциациясы директоры Геннадий Ламшиннің айтуынша, бұған дейін елге батыс туристері көптеп келген болса, бүгінде шығыс және оңтүстік-шығыс мемлекеттерінен келушілер қатары артып келеді екен. 

Немістік "Frankfurter Allgemeine" газеті хабарлағандай Германияда мұсылман мәдениеті ерекшеліктеріне сай қоғамдық дәретханалар пайда болды. Мұсылман халқының дәстүріне сәйкес орындардың ашылуына батыс елдеріне күн санап қоныстанушы босқындардың көбеюі әсер етіп отыр.