Германиялық Берлин қаласының билігі шариғат шәлісін жамылған мұсылман әйелді мұғалім етіп жұмысқа алудан бас тартқандарға айыппұл салады.

Мұндай жағдайға тап болған мұсылман әйел соттың шешімімен жұмыс беруші тарапынан 6900 еуро қаржы өтемақы алатын болды. Ал бұл қаражат осы елдегі мұғалімдердің екі айлық жалақысына тең.

Айта кететін тағы бір жайт, Германияда әлі күнге дейін 2015 жылы конституциялық сот заңсыз деп тапса да бюджеттік ұйымдар мен мемлекеттік мекемелерде қандай да бір діни атрибуты бар киімдерге тыйым салатын бейтараптық актісі қолданылып келеді.

hibatulla.kz

«Әй, адам баласы! Ұятты жерлеріңді жабу үшін киім және сәндік-бұйым түсірдік (жараттық). Негізінде тақуалық киімі жақсы. Солар – Алланың белгілері. Әрине түсінерсіңдер.  Әй, адам баласы! Шайтан ата-аналарыңның ұятты жерлерін көрсету үшін киімдерін шешіп, Жәннаттан шығарғаны сияқты сендерге де сұмдық жасамасын. Өйткені, ол және оның сыбайластары, сендер оларды көрмеген жерден көреді. Шайтандарды иман келтірмейтіндерге дос қылдық» деген. («Ағраф» сүресі, 26,27-аяттар)