Қылышын сүйретіп қыс келсе де, қазақы ортада адамгершілік пен мейірімнің оты сөнген емес. «Қысты көріп, жаздың қадірін білеміз» деген халық даналығы осындай сәттерде айқын сезіледі.

Осы асыл құндылықты ту еткен «Жиенбет Жексенбай» мешітінің жамағаты қайырымдылық ниетпен бір ірі қараны соғымға шалып, тұрмысы төмен, тағдыр тәлкегіне түскен жандарға қолдау көрсетті. Игі бастаманың ұйытқысы болып жүрген мешіт имамы Бердібеков Шүкірәлі бастаған азаматтарға жұртшылық шынайы алғысын білдіруде.

Әз Пайғамбарымыздың (с.а.с) «Өзі тоқ болып, көршісі аш жатқан бізден емес» деген хадисін өмірлік ұстаным еткен жамағаттың бұл әрекеті мұсылмандық бірліктің нақты дәлелі болды.

Қарлығаштың қанатымен су сепкендей болса да, мұқтаж жандардың көңіліне үміт ұялатқан бұл сауапты іс ел ішінде ризашылық пен алғысқа бөленді.

Шу аудандық «Жәми» мешітінің баспасөз қызметі.