«Жәми» мешітінің әйел-қыздар секторының ұйымдастыруымен мешіт аумағында қайырымдылық жәрмеңкесі өтті. Игі шараның басты мақсаты — жамағат арасындағы ауызбіршілікті нығайтып, мұқтаж жандарға қолдау көрсету болды.

Жәрмеңке барысында жиналған қаражат жамағатымызда сырқаттанып жатқан әпкемізге табыс етіліп, оған материалдық әрі моральдық қолдау көрсетілді.

Бұл жәрмеңке — бірлік пен жанашырлықтың жарқын үлгісі болып, мешіт жамағатының өзара қолдау мен бауырмалдыққа негізделген рухани тұтастығын тағы бір мәрте көрсетті.

Шу аудандық «Жәми» мешітінің баспасөз қызметі.