"Уақып" қорын насихаттау мақсатында аудандық  "Меркі ата" мешітінде, аудан бас имамы Азамат Берікұлы аудан имамдарына «Уақып»  қоры жайлы түсіндірме жұмыстарын жүргізді. Семинар барысында Азамат Берікұлы «Уақып» қорының жұмыс бағыты жайлы айтып, алдағы уақыттағы жоспарларымен  таныстырды. Аудан имамдарын өңірлерде  «Уақып» қорын жандандыруға шақырды. Уақып мәселесіне қатысты имамдардың сұрақтарына тұшымды жауаптар берілді.

 Дініміз Ислам әрқашан  өзгелерге көмектесуге, мұқтаж жандардың қамын жеуге үндейді. Сондықтан шамамыз келгенше, дүние-мүлкімізден Алла жолында уақып етуді ұмытпайық. Алла тағала кәсіптеріңізге береке беріп, адал табыс табуды нәсіп еткей!

Меркі аудандық «Меркі ата» мешітінің баспасөз қызметі