Жамбыл облысы, Қордай ауданы, Сортөбе ауылындағы "Хамид бен Бадый" мешітінде қазақ тілін үйрету курстары жүргізілуде. Бұл игі бастама мешіт молдасы Паншаров Губардың бастамасымен қолға алынып, мешіт жамағатына арнайы тіл маманының қатысуымен аптаның әр сәрсенбі және бейсенбі күндері дәрістер өткізіліп келеді.

Сабақ барысында қарапайым әрі тиімді әдістер қолданылып, жамағаттың қазақ тілін тез меңгеруі үшін ауызекі сөйлесу тәжірибесі күшейтілуде. Тіл – халықтың рухани байлығы, ұлттық болмысы. "Тілден тілдің кеңдігі болмағанымен, кемдігі жоқ" деген сөз бекер айтылмаса керек.

Бұл бастама мешіт жамағатының қазақ тілін меңгеруіне, қоғаммен тығыз байланыс орнатуына және ортақ рухани құндылықтарды түсінуге үлкен мүмкіндік бермек.

Аудандық "Қордай" мешітінің баспасөз қызметі