Қордай ауданына қарасты Масаншы, Сортөбе, Ауқатты және Қарасу ауылдарының имамдары қазақ тілін меңгеру мақсатында ұзақ уақыт бойы арнайы курстан өтті. Қазақ тілі мамандарының жетекшілігімен білім алып, берілген тапсырмаларды сәтті орындаған дүнген ұлтты дін қызметкерлері өз білімдерін шыңдай түсті.

Бүгін ауданның бас имамы ауыл имамдарына арнайы барып, олардың еңбегін жоғары бағалап, сертификаттар табыстады. Өз кезегінде имамдар қазақ тілін әрі қарай да тереңдетіп меңгеріп, жамағатқа үйретуге ниетті екендіктерін жеткізді.

Бұл игі бастама имамдардың діни қызметін халыққа ана тілінде жеткізуге, сондай-ақ мешіт жамағатымен өзара қарым-қатынасты нығайтуға үлкен септігін тигізбек.

Аудандық "Қордай" мешітінің баспасөз қызметі