Жамбыл облысы Байзақ аудандық «Байзақ баба» мешітінің ұстазы Жанат Көшербаева жас қыздар мен аяулы аналарымызға «Шарапаты мол шағбан айы» тақырыбында насихат айтты.

         Насихатында Жанат Көшербайқызы: «Шағбан – Пайғамбарымыз Мұхаммедтің (оған Алланың салауаты мен сәлемі болсын) сүннетінде ерекше аталған қасиетті айлардың бірі. Сахих хадисте Алла Елшісі (оған Алланың салауаты мен сәлемі болсын) Шағбан айында көп ораза тұтқандығы айтылады. Алайда бұл айда ораза тұту Оған (оған Алланың салауаты мен сәлемі болсын) парыз болмаған. Дегенмен Шағбан – бұл қасиетті Рамазанға жалғаушы, яғни Рамазанның алдындағы ай болғандықтан Пайғамбарымыз (оған Алланың салауаты мен сәлемі болсын) Рамазан айына дайындық ретінде осы айды ғанибет деп білуге шақырғандай», - деп айдың қасиеттілігі жайында молынан малғұлматтар берді.