Талас аудандық "Қаратау Қажы би" мешітінде бас имам Жалғасбай Дүйсенбайұлының ұйымдастыруымен аудан имамдарының жиналысы өтті. Жиынға аудан мешіттерінің барлық имамдары қатысып, маңызды мәселелер талқыланды.

Жиналыстың ашылуында бас имам Қазақстан Мұсылмандары Діни Басқармасының 35 жылдығымен барша жиналғандарды құттықтап, Бас мүфтидің биылғы жылға қойған негізгі тапсырмаларын таныстырды. 2025 жыл "Дін және отбасы құндылығы" жылы деп бекітілгенін атап өтіп, мешіт жамағатына ата-ана разылығы, ұрпақ тәрбиесі және отбасы құндылығы тақырыптарында уағыз-насихатты күшейтуді тапсырды.

Сонымен қатар, қасиетті Рамазан айына дайындықты қазірден бастау қажеттігін айтып, мешіттерде Рамазанға қатысты баннерлер ілу жұмыстарын ұйымдастыруды жүктеді. Сондай-ақ, аудан мешіттері төрт негізгі бағыт бойынша жұмыс жүргізетін болып, әр салаға жауапты имамдар бекітілді.

Жиын соңында Ақкөл ауылының имамы Сейткамаладдин ақсақал дұға жасап, жиынның берекелі өтуін тіледі.

Аудандық "Қаратау Қажы би" мешітінің баспасөз қызметі