Жамбыл облысы Байзақ ауданының бас имамы Қанат Әділханұлы Байзақ ауылы «Тілеш қажы» мешітінің жамағатымен және жастармен кездесіп, «Бараат түнінің ерекшіліктері» тақырыбында насихат айтты.

   Қанат Әділханұлы насихатында: «Ізгілердің өмір жолына үңілсек, олардың өз уақытын өте тиімді пайдаланғанын көреміз. Әсіресе Алла Тағалаға жақындататын, сауаптар еселеніп берілетін айлар, күндер, түндер мен сағаттарда Алланы еске алу, намаз, ораза секілді құлшылықтарды арттыратын. Сондай сауапты түндердің бірі Шағбан айының 14-інен 15-іне қараған түн. Ол қасиетті түн «Бараат түні» деп аталады. Биыл Бараат түні ақпан айының 14-інен 15-іне қараған түнге сәйкес келіп тұр.

Бараат «кешірім, тағдыр, тозақтан құтылу түні» деп те аталады. Бұлай аталуының себебі осы түні тағдырға қатысты ризық-несібе, ажал, өмірге келу және өмірден өту секілді нәрселер нақтыланады. Алланың мейірімімен қаншама адамның күнәсі кешіріліп, тозақ отынан құтылады. Бұл түннің артықшылығы жайлы хадистерде, сахабалар мен табиғиндердің сөздерінде баяндалған. Төменде бұл түннің артықшылығы жайлы келген хадистерді баяндап өтсек:», - деп түннің артықшылықтары жайлы ақпарат берді.