Сарысу ауданы, Жаңаталап ауылдық мешітінде Мәуліт айының құрметіне мешіт жамағаты арасында «Құран жарысы» өткізілді.

Сарысу ауданының бас имамы Айбек Амангелдіұлы Құран Кәрімді өз ережесіне сай тәжуидпен оқи білудің сауабы жөнінде мағыналы уағыз айтып, жарысқа қатысушыларға сәттілік тілеп, жарыс ережелерімен таныстырып өтті.

Жеңімпаздарды анықтау барысында үміткерлердің Құран оқу мәнерінен бастап, дыбыстарды шығаруы мен тәжуид ережелерін сақтауына аса мән берілді. Бірінші орынға тай, екінші орынға тана, үшінші орынға қой сыйға тартылды. Сонымен қатар, барлық жарысқа қатысушыларға қаржылай ынталандыру сыйлықтары берілді.