Ардақты Пайғамбарымыз (оған Алланың салауаты мен сәлемі болсын): «Барлық мас қылушы – арақ һәм барлық мас қылатын нәрсе харам», – деген (имам Тирмизи). РАНТ мүшесі  Ахмадиев Серікхан Ақтоған ауылының тұрғындарына  ішімдіктің зардабы жайлы уағыз-насихат айтты.

Ахмадиев Серікхан  жиын барысында ішімдік ішуден дініміздің қайтарғандығы, шайтанның суы адам баласының рызық – несібесінің берекесін кетіретіндігі, абыройсыздық пен қорлыққа, арты оңалмас қасыретке алып келетіні турасында насихат айтты. Сол себепті де, арақ атаулы дүниеден аулақ болуға, өзгені де одан тоқтатуға шақырды.

Алла Тағала баршамызды Өзінің бұйрықтарын орындаған, тыйыл дегендерінен тыйылған ізгі құлдарының қатарынан болуды нәсіп етсін!