Халқымыз: "Қайырымдылық жасасаң, қайырын өзің көресің", – дейді. Алла Тағала Қасиетті Құранның "Бақара" сүресінің 272-аятында: "(Ей, Мұхаммед!) Оларды тура жолға салуға сен жауапты емессің. Алла қалаған пендесін өзі тура жолға салады. Қайыр – садақа ретінде не берсеңдер де өздерің үшін (жақсы болады). Не берсеңдер де, тек Алланың разылығы үшін берулерің керек. Ізгілік жолында не жұмсасаңдар да, соның бәрі өздеріңе толық қайтарылады және сендер әділетсіздіккке ұшырамайсыңдар (яғни, сауаптарыңды толық аласыңдар)" – дейді.

Жамбыл облысы Қордай ауданы Аудандық "Қордай" мешіті ұстазы Эльмира Аманқожа қызының ұйымдастыруымен  Қордай ауданының әйел-қыздар жамағаты "Жақсылықта жарысайық" қайырымдылық жәрмеңкесіне ат салысты. Еліміздегі қиын жағдайға тап болған қандастарымызға қол ұшын беру үшін жұмылып, бірлесіп жәрмеңкені өткізді. Түскен қомақты қаражат облысқа жолданды.

Аудандық «Қордай» мешітінің баспасөз қызметі