Қордай ауданы Аудандық «Қордай» мешітінде «Дін және дәстүр құндылығы» атты семинар болып өтті. Жиын аудан бас имамы Алмұханбетаранжан Егізбаевтің бастауымен барлық дін қызметкерлерінің қатысуымен жүзеге асты. Аталмыш іс-шарада бас имам бес бағытқа жауапты имамдарды жиынға қатысушы дін қызметкерлеріне таныстырып, артынша жауапты имамдар  өздерінің бағыттарын түсіндіріп айтып өтті.

Атап айтсақ Қордай ауданы, Әлжан ана ауылы «Құдайберген» мешітінің имамы Саламат Аманбаев «Дін мен дәстүрге», Қордай ауданы «Рахман» мешітінің имамы Нұрмұхамед Кеулімжаев «Ихсан және насихатқа», Қордай ауданы «Қордай ауылдық мешітінің» азаншысы Бекзат Мұхамбетов «Ізгі қоғамға», Қордай ауданы, Күнбатыс ауылы «Жарғожатегі Ыбырайымұлы Еділбек» мешітінің имамы Самат Акамбаев «Оқу ақартуға», Қордай ауданы, Өтеген ауылы «Өтеген» мешітінің ұстазы Нұрсұлтан Атанбаев «Жат ағым» бағытына жауапты.