Меркі ауданы, Екпінді ауылы  «Рахымбай  ата» мешітінің имамы  Серікхан Баймаханұлы  тарауық намазын өткізетін Қари жігіттерге құрмет көрсетіп, дастархан жайып күтті.

«Кім Аллаға және ақырет күніне иман келтірген (мұсылман) болса, қонағын құрметтесін»  деген хадиске амал жасап, ауыл имамы алыстан келген қари жігіттерге дастархан жайып, өз шаңырағына қонақ қылды. Дастархан басында Құран оқылып, имани әңгіме мен  пайдалы уағыз-насихаттар айтылып, дұға жасалды. Құрметке лайық, осы көз алдымызда жүрген, Құранды толық жаттаған қари жігіттер  емес пе? Себебі қариға құрмет - бұл Құранға құрмет. 

Пайғамбарымыз Мұхаммед (Алланың игілігі мен сәлемі болсын) бір өсиетінде: «Кім өзінің қонағына  сый-құрмет көрсететін болса, жетпіс пайғамбарға құрмет көрсеткендей болады. Кім қонағына бір дирхам ақшасын жұмсайтын болса, Алла жолында мың дирхам жұмсағандай болады» деген екен. 

Меркі аудандық  «Меркі ата » мешітінің баспасөз қызметі