Жамбыл облысы Байзақ ауданы Түймекент ауылдық мәдениет үйінде аудан бас имамы Қанат Жұмағұл ауданға қарасты V аймақ имамдарына «Жат діни ағымдармен күресу» тақырыбында семинар өткізіп, ой толғады.

         Қанат Әділханұлы: «Қазіргі таңдағы мұсылмандардың түсінігі, білім деңгейі бұрынғыдай емес. Олар ислам мәдениетін, ислами өмір сүру салтын жақсы біледі. Яғни, бүгінгі жастар дінге құлшылық үшін ғана емес, өмірлік ұстаным ретінде де бет бұруда. Алайда, жат ағымдардың жетегінде кеткен кейбір жастар қоғамға өз зиянын тигізіп жатқаны да жасырын емес. Ал, жат ағымның дәстүрлі діннен айырмашылығы қандай? Олардың ара-жігін қалай ажыратамыз. Міне, осыны ажырата білу үшін, ең алдымен әр адам діни сауатты болу керек», - деді.