Бес уақыт намазды орындау — тақуалықтың белгісі. Ақиқатында, біздің сүйікті Пайғамбарымыз (ﷺ) былай айтқан: «Бағаны мен тағайындамаймын, өйткені Алла Тағала Өзі бағаларды тағайындаушы болып табылады».

Асылында, Пайғамбарымыз (ﷺ) былай айтқан: «Қымбатшылық пен арзаншылық Алла Тағаланың екі көмекшісі болып табылады. Бір көмекшісінің аты — талпыну, ал екіншісінің аты - үрей. Егер Алла Тағала бір заттың бағасын кеміткісі келсе, Ол адамдардың жүрегіне үрей ұялатады да үрейлерін олардың қолдарынан шығарады, осылайша зат арзандайды. Егер Алла Тағала бір заттың бағасын қымбаттатқысы келсе, Ол адамдардың жүрегіне талпынуды салып қояды, сонда олар сол заттың өздерінде болуын қалайды».

Бану Исраилдың бір құлы бір аласа таудың қасынан өтіп бара жатып, былай дейді: «Егер осы тау ұн болғанда, мен Бану Исраилдың аштарын тамақтандыратын едім».

Алла Тағала Пайғамбарымызға (ﷺ) айтады: «Әлгі құлға айт, расында, оның адал ниетіне, қайырымдылығы мен жұмсақ көңілділігі үшін оған Алла сауап нәсіп етті». Мұсылман өзінің мұсылман бауырларына мейірімділік пен қайырымдылық танытуы қажет.

Бір адамның Ғабдулла бин Ғаббасқа (р.а.) келіп, былай айтқаны келтірілген: «Маған ақыл бер». Ғабдулла бин Ғаббас (р.а.) оған: «Мен саған алты нәрсені айтамын. Біріншісі — нақты бол. Екіншісі — парыздарды уақытында орында. Үшіншісі — Алла Тағаланы үнсіз есіңе ал. Төртіншісі — шайтанға ерме, өйткені шайтан Алла Тағаланың жаратқандарын көре алмайды. Бесіншісі — бұл дүние байлығын жима, өйткені баянсыз дүние байлығы сенің ақиретіңді құртады. Алтыншысы — мұсылмандарға үнемі игілік тіле».

Факих (р.а.) былай айтқан: «Мұсылман келесі бір мұсылманға қатысты ақылшы, сондай-ақ, жұмсақ әрі қайырымды болуы керек, өйткені бұл қасиеттер тақуалықтың белгілері болып табылады». Былай айтылған: «Расында, тақуалықтың он бір белгісі бар».

1. Бұл дүниедегі діндарлық әрі ақиретке деген талпыну.

2. Аллаға құлшылық әрі Құран оқу.

3. Аз сөзділік.

4. Бес уақыт намаздың орындалуы.

5. Кіші және үлкен харамнан сақтану.

6. Әулиелердің қоғамдастығына қатысу.

7. Тәкаппарлықтың орнына бой ұсынғыштық.

8. Жомарттық пен қайырымдылық.

9. Алла Тағаланың жаратқандарына жұмсақтық таныту.

10. Адамдарға пайдалы болу.

11. Өлімді жиі еске алу.

Бұл дүниеден имансыз өтетін бақытсыздардың да белгілері он бір. Олар төмендегідей:

1. Бұл дүние байлығын жинаудағы дүниеқоңыздық.

2. Нәпсі тілектеріне еріп әрі бұл дүние рахатына бой алдыру.

3. Азғын сөздерді айту әрі сөзуарлық.

4. Намазды бағаламау.

5. Тыйым салған әрі күмәнді тағамды пайдалану.

6. Жаман мінез-құлық.

7. Қулық, тәкаппарлық және мақтаншақтық.

8. Адамдарға пайда келтірмеу.

9. Мұсылмандарға қатысты аз мейірімділік таныту.

 10. Сараңдық.

11. Өлімді ұмыту, яғни, егер адам өлімді есінен шығармаса, ол азық-түлік сатуды кешіктірмей әрі мұсылмандарға мейірімді болады».

Кейбір діндар адамдар келтіргендей, бір адамның үйінде бір бума бидай болады, ал адамдар тамақсыз, аш болады. Әлгі адам барлық бидайын сатып жібереді. Содан кейін өзіне бидай сатып алады. Сол захидке: «Сол бидайды өзіңе қалдырғаның жақсы болар еді», - дегенде ол былай деп жауап береді: «Мен қайғы жұтқан адамдардың досы болуды қаладым, яғни, олардың қайғысын бөліскім келді».

"Танбихул ғафилин" кітабынан.