Бүгін 25 қазан - Республика күні мерекесінде Жамбыл облысының барлық мешіттерінде еліміздің егеменді мемлекет болып қалыптасуына еңбек сіңірген бабаларымызға, апаларымызға, алаш боздақтарына Құран Кәрімнің хатым дұғасы бағышталды. 

Облыстық "Һибатулла Тарази" мешітінде ҚМДБ-ның Жамбыл облысы бойынша бас имамы Бейбіт Мырзагелдиев бастаған имам, ұстаздар бірлесіп Құран оқып, еліміздің тұғыры биік болсын деп Алладан тілеп, бата жасады. Сонымен қатар аталған іс-шара Жамбыл өңірінің барлық қала, аудандарында, ауылдарда жалғасын тауып, бір мезгілде дұға жасалды. 

"Еліміздің жалынды жастары бастарын бәйгеге тігіп, бодандық құрсауынан шығуға ұмтылған қыршын ерліктері бүгінгі Тәуелсіз Еліміздің жарқын істерімен жалғасын табуда. Сол көз жастары көк туымызға сүртілген ата-бабалар еңбегі бүгінгі күннің ең ұлы жеңісі, айтулы мерекесі. Еліміздің егемендігі жасай берсін," - деп атап өтті бас имам сөзінде.

Ақерке БЕКҚҰЛОВА

"Һибатулла Тарази" мешітінің баспасөз қызметі 

Облыстық "Һибатулла Тарази" мешіті, Тараз қаласы

Қордай ауданы

Меркі ауданы

Байзақ ауданы

Т.Рысқұлов ауданы

Сарысу ауданы

Жуалы ауданы

Шу ауданы 

Талас ауданы

Мойынқұм ауданы

Жамбыл ауданы