Меркі ауданына қарасты мешіт имамдары мешітке жиналған жұртқа «Тәуелсіздік – үлкен нығмет» тақырыбында уағыз-насихат жүргізді.

Аудан имадары: «Ата-бабамыздың өміріне зер салсақ, сүрлеуі мол соқпақтармен ой-шұңқыры, қауіп-қатері көп көпірлерден өтті. Азанды ақырын айтып, жаназаны жасырын оқығандығы тарихта айтылады. Ол заманда дін ілімін таратды айтпағанда, үйренудің өзі қылмыс саналған. Сол ата-бабаларымыздың сан ғасырғы арман-мұраты – ол Тәуелсіздік еді.

Аллаға шүкір, Ел тәуелсіздігіне қол жетіп, ана тілімізбен, ата дінімізбен қайта қауышып, салт-дәстүріміз жаңғырды. Қазіргі күні тәуелсіз елде, әр таңымызды амандықпен, ешқандай қауіп-қатерсіз аттырып жатырмыз. Әрбіріміз осы нығметтің қадірін түсініп, шынайы бағалай білуіміз қажет», - деп атап өтті.

Уағыз соңында Елімізге, жерімізге дұға жасады. Алла Тағала тәуелсіздігімізді мәңгі, еліміздің, жеріміздің мерейін үстем қылсын! Еліміз аман, жұртымыз тыныш болсын!

Меркі аудандық «Меркі ата» мешітінің баспасөз қызметі