«Кімде-кім білім іздену жолына түссе, онда Алла оған жәннатқа апарар жолды жеңілдетеді. Шынында, періштелер міндетті түрде білім ізденушіге разы болғанын білдіріп қанаттарын жаяды. Шын мәнінде, ғалым үшін міндетті түрде аспандағы және жердегі бүкіл нәрсе, тіпті судағы балық та, Алладан оның күнәларының кешірілуін тілейді!» - дейді шариғатымызда. Ал мешітке келген жамағатқа білім беру аудандық "Жәми" мешітінің тұрақты амалы. 

Мешітке келген жамағатқа наиб имамы Мағжан Мұратұлы аптасына екі мәрте "Әбу ханифа мәзһәбы - Тәсһилуд Дурури" кітабының негізінде фиқһ дәрістерін жүргізуде.

"Аллаға сәжде етіп, мұсылмандық амалдарды орындап жүрген жамағат білім алған сайын дұрыс бағытта болып және ихсан дәрежесіне қарай қадам басады" - дейді ұстаз. 

Шу аудандық "Жәми" мешітінің баспасөз қызметі