Шу аудандық "Жәми" мешітінің ұстазы Сәуле Нұрсұлтанқызының ұйымдастыруымен Рабиғул- әууал айында жамағат салауат айтып жарысты.   

Жарыс нәтижесіне сай ең көп салауат айтқан адамдарға арнайы сыйлықтар табыс етілді. Алла елшісіне деген сағынышпен әйелдер жамағаты жалпы 1 миллион рет салауат айтқан. 

Салауат айтқардың ішінде бас жүлде беріліп, Клара Апа 151 500 рет айтқан салауаты үшін үздік деп танылды. Ал бірінші орын - 68 000 рет салауат айтқан Майра апаға, екінші орын - 61 000 рет салауат айтқан Тахминаға, үшінші орын - 59 000 салауатпен Динараға бұйырды. Әйелдер жамағаты арасындағы салауат сайысы 1 айға жалғасқан болатын. 

Шу аудандық "Жәми" мешітінің баспасөз қызметі