Мешітті жөндеу, кеңейту, жамағатқа қолайлы жағдай жасалып тұруы, жамағаттың ыңғайлы құлшылық ғибадаттарын өтеулері үшін, Байзақ ауданына қарасты Талас ауылдық «Ан-Нағим»  мешіті жанынан қосымша үлкен бөлме салынып, кіреберісі бастырмамен жабылды.

Құрылыс жұмыстарын бақылау мақсатында аудан бас имамы Қанат Әділханұлы мешітке ат басын бұрып, ауыл имамы Сейдали Тафилбекұлынан мешіттің қазіргі жай-күйі туралы сөз етті.

Қанат Әділханұлы ауыл имамына қыста жамағатқа салынып жатқан қосымша үлкен залдың жылы болуы, мешіт тазалығы мен дәретхана тазалығының жақсы болуын айтып, діни басқармадан келген тапсырмаларды жүктеді әрі мешіт имамының жұмысына ризашылығын айтып өтті.