Шу ауданы Бірлікүстем ауылдық "Бірлікүстем" мешітінде әйелдер жамағатына арналған "Адамзаттың сардары" атты мәуліт кеші өтті. 

Исі мұсылман үшін бес күн жалған дүниеде пайғамбар өмірінен алар өнеге көп-ақ. Демек, мұсылманның өмірдегі басты мақсаты – пайғамбарымыздың сүннетіне еліктей білу. Өйткені, адам баласы өмірде әрқашан өнеге тұтар ұлы тұлғаны іздеп бағады. Ал, Алла тағала пенделеріне: «Алладан, ақырет күнiнен үмiттенгендер мен Алланы еске алып тұратындар үшiн Расулуллада, әлбетте, тамаша өнегелер бар» деп баяндайды («Ахзаб» сүресі, 21-аят).

Осындай маңызы бар шараға Шу ауданының өзгеде мешіттерінде қызмет атқаратын ұстаздар қауымы келіп қатысты. Балдырғандар өлең шумақтарын оқып, ұстаздар кезекпен уағыз-насихатын паш етті. Қонақ болып келген білім иелеріне арнайы сыйлықтар тарту етіліп, Алла елшісіне салауат-сәлемдер жолданды. 

Шу аудандық "Жәми" мешітінің баспасөз қызметі