Жамбыл облысы, Қордай ауданы, Қарасай ауылы «Еңбек» мешітінде Мәуліт мерекесінің құрметіне ақ дастархан жайылды. Ауыл молдасы Абитаев Адамбек жиынды ең алдымен Алла Тағалаға мадақ, пайғамбарымызға (Алланың игілігімен сәлемі болсын) салауат айтумен бастады.

Дастархан басында жиылған көпшілікке тағылымды әңгімелер, келелі уағыз-насихат айтылды. Жиын соңында, Құран аяттары оқылып, ел-жұртымыздың, халқымыздың тыныштығы үшін дұға жасалды. Ауыл ақсақалдары, батагөй қариялар мен келген қонақтар ыстық лебіздерін білдіріп, алғыстарын айтты.

Аудандық "Қордай" мешітінің баспасөз қызметі